Хот болон орон нутгийн замуудад үзэгдэх орчин хязгаарлагдмал байгаа тул хурдаа тохируулан анхаарал болгоомжтой зорчихыг ОБЕГ-аас анхаарууллаа.
2024.03.27-ны өдрийн 10:50 цагийн байдлаар
- Улаанбаатар-Хөшигийн хөндий олон улсын шинэ нисэх онгоцны буудал чиглэлийн хурдны авто замд осол гарч тус чиглэл рүү Улаанбаатар хотоос гарах хөдөлгөөнийг түр хугацаагаар хязгаарлаад нээв.
- Улаанбаатар - Мандалговь, Мандалговь-Даланзадгад, Чойр-Сайншанд, Улаанбаатар-Арвайхээр, Улаанбаатар-Дархан, Улаанбаатар-Өндөрхаан чиглэлийн авто замуудад хүчтэй цас, шороон шуургатай үзэгдэх орчин хязгаарлагдмал байна.
- Дархан-Сүхбаатар, Дархан-Эрдэнэт чиглэлийн авто замын зорчих хэсэгт тусгай зориулалтын машинаар давс цацаж байна.
Иймд иргэд олон улс, улсын чанартай авто замд хөдөлгөөнд оролцохдоо:
- Хурдаа тохируулан, хажуу хоорондын зайг зөв барьж явах
- Хөдөлгөөн эхлэх, чиг өөрчлөн байрлан явах үйлдлийг зөв гүйцэтгэх
- Аюул бүхий хэсэгт гүйцэх, гүйцэж түрүүлэх үйлдлийг хийхгүй байх
- Шил арчуур, цан үлээгүүр зэрэг техникийн бүрэн байдлыг хангасан байх
- Зайлшгүй зогсолт хийсэн тохиолдолд бусдад анхааруулах, аюулгүй байдлыг бүрэн хангаж хөдөлгөөнд оролцохыг ОБЕГ-аас анхааруулж байна.
