"Хийморь" уран сайхны киног бүтээсэн “Belgute pictures”-ын хамт олон шинэ бүтээлээ танилцууллаа.
Тэдний ээлжит бүтээл "Тэгри чину" хэмээх олон ангит уран сайхны кино бөгөөд жүжигчин, найруулагч Г.Эрдэнэбилэг найруулж, мөн өөрөө гол дүрд нь тогложээ.
Энэ сарын сүүлээр үзэгчдэд хүрэх уг киноны гол дүрийг Монголын сор болсон уран бүтээлчид амилуулжээ. Тухайлбал, Ангол овгийн тэргүүн Засаг Жарайн дүрд Хөдөлмөрийн баатар, ардын жүжигчин П.Цэрэндагва, Хэрээ овгийн Тахилчийн дүрд гавьяат жүжигчин Д.Цэрэндарьзав, Цагаан гавал овгийн үхэшгүй Азарын дүрд Г.Эрдэнэбилэг, Хадаан овгийн тэргүүн Хадун Саёогийн дүрд С.Ариунбямба нар тоглосон байна.
